Бугунги кунда хавфсизлик тизимларида биометрикадан фойдаланиш оммалашиб бормоқда. Биометрикага асосланган тизимлар ҳар бир инсонни анатомик ўзига хослигига асосланади. Анатомик белгиларга юз, кўз қорачиғи, бармоқ излари, кафт каби биометрик белгилар киради. Юзни аниқлаш тизим самарадорлиги юздаги белгиларни ажратиб олиш самарадорлигига бевосита боғлиқ. Юз тасвири асосида шахсни таниб олиш одатда локал ва глобал белгилар асосида амалга оширилади. Локал белгиларни шакллантиришда юз тасвири алоҳида қисмларга ажратилади ва шакллантирилган локал белгилар асосида таниб олиш амалга оширади. Глобал белгиларни ажратиш эса бутун юз тасвирида белгиларни шакллантиришдан иборат бўлиб, улардан информативларини ажратиш орқали таниб олиш харажатларини камайтириш мумкин. Мазкур мақола юз тасвири информатив белгилар фазосини шакллантириш алгоритмларини таҳлилига бағишланган бўлиб, унда информатив белгиларни аниқлаш процедураси баён этилган бўлиб, юз тасвири информатив белгиларини ажратиш усул ва алгоритми таклиф этилган.

Жаҳонда кечаётган глобал исиш, озиқ-овқат танқислиги, CОVID-19 пандемияси оқибатлари натижасидаги таъминот занжиридаги узилишлар 2021-2022 йилларда озиқ-овқат ва алкоголсиз маҳсулотлари глобал брендлари қийматини сўнги 20 йилда биринчи марта инқирозли вазиятларини юзага чиқарди

Мазкур илмий ишда Самарқанд шаҳри микрорайонларида сўнгги йилларда юзага келган глобал даражадаги исиш аномалиялари, уларнинг юзага келиш сабаблари, экологик ва иқтисодий оқибатлар ҳамда бундай ҳодисаларни юмшатиш бўйича илғор чора-тадбирлар ўрганилади. Урбанизация даражаси, яшил майдонлар камайиши, транспорт ҳаракати ларининг микроиқлимга таъсири статистик маълумотлар, ГИС хариталар ва сўровномалар асосида атмосфера ҳароратларининг нормадан оғиши, иқлимни кескин ўзгартирувчи омиллар таҳлил қилинди. Тадқиқот ИПCC, НАСА, Ўзбекистон Республикаси Гидрометеорология хизмати ва бошқа халқаро ташкилотлар маълумотлари асосида олиб борилган, хулоса ҳамда тавсиялар кетирилган.

Мазкур тезисда Америка ёзувчиси П.Бак томонидан  «Сахий Ер» асарида хитойлик деҳқонларнинг ҳаётига таъсир қилган ижтимоий  глобал  ўзгаришлар  бадиий  талқини  юзасидан  тезис  муаллифи-нинг таҳлилий  фикр-мулоҳазалар баён  қилинади. Романда Хитой қишлоқларидаги  деҳқонлар  оилаларининг  ўтмишдаги  ҳамда  одатий  яшаш тарзлари  кенг  ёритилади. Хитой жамиятидаги ижтимоий муҳитнинг шаклланиши, жамият ва сиёсатни уйғунланиши, деҳқон  оилаларнинг машаққатли  ҳаёти  каби  аспектлар  бутун  асар динамикасини  белгилаб  берган.  Романдаги   инқилобдан  олдинги  Хитой маданияти  ва  ҳамжамия-тида  содир  бўлган  глобал  ўзгаришларнинг  бадиий  талқини  ёзувчининг бой  фантазияси  ва  адабий-бадиий  тасаввурининг  ижодий  маҳсулидир.   

Мақолада, кўп йиллик тадқиқотлар натижасида глобал иқлим ўзгариши, Орол денгизи қуриши оқибатида, шўрланиш, ҳаво ҳароратини ортиши, мунтазам қурғоқчилик шароитида ушбу ҳолатга бардошли бўлган жўхори-sorgum дон жўхорининг “Массино” нави уруғларни униш даражаси  ўрганилиб, натижда Оролбўйи ҳамда шу ҳолатга яқин бўлган ҳудудларида жўхори экинини экиб, тўлиқ кўчатлар олишга эришишнинг илмий асослари бўйича маълумотлар келтирилган.

Иқлимнинг глобал исиши таъсирида қурғоқчиликнинг такрорланиши тезлашганлиги кузатилмоқда, Марказий Осиёда 2010 йилларгача кучли қурғоқчилик йиллари ҳар 8-10 йилда такрорланган. Сўнгги йилларда ғалла экинларининг дон тўлишиш-сут пишиш даврида қурғоқчиликнинг кучли аномал иссиқлик билан бирга рўй бериши кузатилмоқда. Мақолада лалми ерлар учун юмшоқ буғдойнинг аномал иссиқликка ва қурғоқчиликка чидамли бўлган янги навларини яратиш бўйича илмий тадқиқот натижалари келтирилган.

Усы мақалада бүгингидей суў жетиспеўшилиги, Арал теңизиниң курып барыўы, глобал ықлым шараятының бузылыўы, қурғақшылық нәтийжесинде кѳплеген хожалық айланысынан шыққан жерлердин мелиоратив жағдайын жақсылаў, ҳәм Қарақалпақстан дийханшылық илим изертлеў институтында шығарылған от-жемлик егинлериниң жаңа сортларын шарўашылық ҳәм кусшылықты үзликсиз от-жем менен тәминлеўде бул сортлардың тутқан орны ҳәм басқа от-жемлик егинлер менен салыстырмалы абзаллықлары ҳәм ахмийети ҳаққында мағлыўматлар, Қарақалпақстан Республикасында мал-шарўашылығын ҳәм қусшылықты жыл даўамында узликсиз от-жем менен тәмийнлеў, олардың турақлы от-жем базасын шѳлкемлестириў, олардың суўға, шорға шыдамлы от-жемлик егинлердиң сортларын жаратыў бойынша тапсырмалар бойынша, Президентимиз тәрепинен Қарақалпақстан Республикасында мал-шарўашылығын раўажландырыў бойынша шығарған пәрман ҳәм тапсырмалары ҳаққында мағлыўматлар келтирилген келтирилген.

Ушбу мақолада тижорат банкларининг халқаро молия бозоридаги иштироки, уларнинг глобал молиявий интеграция жараёнларидаги ўрни ҳамда халқаро капитал ҳаракатида тутган роли таҳлил қилинади. Мақолада банкларнинг хорижий инвестицияларни жалб этишдаги фаолияти, халқаро тўлов тизимларидаги иштироки, валюта операциялари ва экспорт-импорт молиялаштиришдаги механизмлар ёритилган. Шунингдек, халқаро молия институтлари билан ҳамкорликнинг афзалликлари, рискларни бошқариш стратегиялари ҳамда Ўзбекистон тижорат банкларининг халқаро молия бозорига чиқиш имкониятлари ўрганилган. Тадқиқот натижалари банк секторида рақобатбардошликни ошириш, молиявий барқарорликни мустаҳкамлаш ва глобал молия тизимига интеграциялашувни чуқурлаштиришга қаратилган таклифларни ўз ичига олади.

Мақола Ўзбекистоннинг терроризмга қарши курашдаги халқаро ва минтақавий ҳамкорликдаги ташаббусларига бағишланган. Унда мамлакатнинг глобал ва минтақавий хавфсизликни таъминлаш борасидаги фаол иштироки, шу жумладан, халқаро ташкилотлар билан ҳамкорлиги, қонунчилик ташаббуслари ва минтақавий платформалардаги роли ёритилган. Ўзбекистоннинг терроризмга қарши курашдаги стратеггик ёндашуви, унинг жаҳон хамжамияти билан интеграцияси ва минтақадаги барқарорликка қўшган ҳиссаси таҳлил қилинади.

Ушбу мақолада янги Ўзбекистондаги олий таълим, фан ва инновациялар соҳасидаги ислоҳатлари ҳамда натижалари ўрганилган.

Дунёда таносил ёки ОИВ инфекциясининг тарқалиши глобал ҳодиса бўлиб, у кўп томондан барча мамлакатларга таъсир қилиб, ҳаётнинг турли жабҳаларида ўзининг жиддий таъсирини кўрсатмоқда. Бу эса ушбу касалликларнинг тарқалишига қарши курашиш ҳамда касалликка чалинган шахсларнинг қонуний манфаатларини ишончли ҳимоя қилишнинг ҳуқуқий асосларини тубдан такомиллаштириш заруратини тақозо этмоқда.

Жаҳоннинг кўплаб ривожланаётган давлатларидаги ҳокимият органлари муаммолар деярли бир ҳил. Хусусан, натижадорликнинг пастлиги, фирибгарлик, коррупсия, ички назоратнинг сустлиги уларнинг самарали фаолиятига ғов бўлмоқда. Глобал миқёсда давлат сектори буджет маблағларидан фойдаланиш ва уларни оқлаш шунингдек, тақдим этилаётган давлат ҳизматларининг самарадорлиги ва шаффофлигини кузатиш жамият вакилларнинг ҳуқуқларидан бири ҳисобланади. Самарали фаолиятни таминлашда давлат ҳокимияти органлари ҳисобдорликни таминлаши жуда муҳимдир. Шу асосда, давлат ҳокимияти органларида электрон ҳукуматнинг тизимли йўлга қўйилиши уларнинг  фаолиятига ижобий таъсир этади.

Мақолада замонавий даврда Саудия Арабистони томонидан Янги дунё тартиботи шаклланиш даврида ўз ўрнини эгаллаш учун амалга ошираётган саъй-ҳаракатлари ташқи сиёсат кесимида очиб берилган. Подшоҳлик томонидан ўзини халқаро муносабатлар полицентрик тизимининг ажралмас ва муҳим актори, глобал ва минтақавий сиёсий-дипломатик ташаббуслар муаллифи ва ташқи сиёсий мослашувчанлик ва ички сиёсий ўзгаришлар ислоҳотчиси сифатида амалга оширилаётган ишларнинг йўналишлари таҳлил қилинган.

Ушбу мақолада ёшларни касбий йўналтириш тажрибасини ўзига хослиги ҳамда юқори даражада ривожланишига қарамай, бир қатор муаммо ва қарама-қаршиликлар мавжуд эканлиги хамда касбга йўналтириш тизимининг асосий мақсад вазифалари жамиятнинг кадрларга бўлган эҳтиёжларини қондириш ҳамда мувозанатли меҳнат бозорини бошқарган ҳолда рақобатбардош мутахассисларни тайёрлашдир

XXI аср глобал таълим парадигмаси доирасида интеграция ва билингвизм концепцияларининг тизимли ривожланиши педагогик инновациялар, когнитив фаолият ва лингводидактик ёндашувларнинг янги босқичга кўтарилишига олиб келди. Ҳозирги кунда Ўзбекистонда икки тилли (билингвал) таълим моделини жорий этиш ва рус ҳамда она тили фанларини интеграциялаштириш миллий таълим стратегиясининг устувор йўналишларидан бири сифатида белгиланган. Бу жараён интердисциплинар ва лингвомаданий компетенцияларни шакллантиришга, тилни когнитив восита сифатида ўзлаштиришга ҳамда мултикультурализм ва кроссмаданий мулоқотни рағбатлантиришга хизмат қилади.

Мазкур мақолада экологик масъулиятни ривожлантиришда диний қадриятларнинг ўрни ва глобал экологик муаммоларни бартараф этишдаги самарадорли таҳлил қилинган.

Вояга етмаганлар жиноятчилиги— бу жамиятнинг аниқ бир тоифасининг, яъни ёшларнинг, ҳуқуқий нормаларни бузиши ва жиноятларга қўл ургани ҳолатидир. Бу глобал муаммо бўлиб, жамиятни турли ҳолларда салбий таъсир кўрсатишга олиб келади. Шу сабабли, вояга етмаганлар жиноятчилигини олдини олиш масаласи ҳар бир давлатнинг ўз тараққиёти ва хавфсизлигини таъминлаш учун долзарб ҳисобланади.

Мазкур мақолада экологик муаммоларни ўрганишда физик усуларни қўллаш асосида зарарли моддалар миграцияси, улар миқдорининг масофа бўйича тарқалиш қонуниятлари ўрганилган, ҳудудларда экологик муҳитнинг аҳволи, тупроқ, сув ва
атмосфера таркибидаги ортиқча ва бегона элементларнинг мавжудлиги сифат жиҳатдан ҳам, миқдор жиҳатдан ҳам таҳлил қилинган. Ўзбекистоннинг жанубий регионларида юз бераётган сунъий экологик муаммо натижалари ва унинг халқ
хўжалигига таъсири илмий асосланган натижалар билан ёритиб берилган

Ушбу мақолада сунъий интеллектнинг оила ҳуқуқида қўлланилиши ва унинг истиқболлари ҳақида фикр юритилади. Унда сунъий интеллект воситалари юридик хизматлар кўрсатиш тезлиги ва самарадорлигини ошириш, харажатларни камайтириш ҳамда оилавий низоларнинг ҳуқуқий ечимини топиш бўйича қандай ҳисса қўшиши мумкинлиги баён этилади. Технологияларни ҳужжатлар тайёрлаш, онлайн медиация, суд қарорларини таҳлил қилиш ва қарор қабул қилишда ёрдам бериш каби йўналишларда қўллаш жараёнлари тўғрисида мисоллар келтирилади. Айниқса, трансчегаравий никоҳдан ажрашиш ишлари, болани васийликка ва ҳомийликка олиш масалаларида сунъий интеллект тил ва юрисдикция муаммоларини енгиб ўтишда ёрдам бериши таъкидланади

Охирги пайтларда COVID-19 каби янги коронавирус касаллигининг одамдан одамга юқиши туфайли глобал пандемия пайдо бўлди. 2019-йил декабр ойида авж олгандан бери ўн миллиондан ортиқ одам COVID-19 билан касалланган. Одамларда COVID-19 билан касалланганларнинг аксарияти енгил (80%), юқтирган беморларнинг 20 фоизи оғир касалликка дучор бўлиши ва 5 фоизида оғир касаллик ва пневмония ёки ўткир респиратор дистресс синдроми ривожланиши мумкин, бу эса механик шамоллаш ва интенсив касалхонага ётқизишни талаб қилади.

Инновацион технологияларининг ривожи шахс шаклланишига, умуман олганда инсон омилига қандай таъсир кўрсатмоқда? Ўтган даврларда одам бутун умри давомида маълум бир худуд доирасида яшаган ва фақат унинг имкониятларидан фойдаланган холос. Бугунга келиб эса қисқа вақт ичида қитъа ва океанларни босиб ўтувчи трансатлантик авиалайнерларни, кўп уяли телефонларнинг яратилиши, ЮНЕСКОнинг таърифича, дунёни "Глобал қишлоқ"қа айлантирувчи интернет - алоқа компьютер тармоғининг барпо этилиши дунё интеграциясининг жадаллик билан ривожланишига олиб келди. Натижада кўп жойларда бирлашиш, ягона худуд ташкил этиш тенденцияси кучайди, "чегарасиз дунё", "дунё фуқароси" каби иборалар тез-тез ишлатилиб турилибди. Буларнинг барчаси шахснинг ривожланиш билан, хусусан унинг сиёсий маданияти билан чамбарчас боғлиқ.

Мақола ерларнинг чўлланиш муаммоларига бағишланган. Ерлар чўлланишининг асосий сабаблари ва оқибатлари келтирилган. Ер ва тупроқнинг деградацияга учрашиши, унинг натижасида юзага келадиган экологик ва ижтимоий-иқтисодий оқибатлар глобал тус олиши, бу эса инсониятнинг барқарор ривожланишига таҳдид солаётгани кўрсатилган. Жаҳон миқёсида қўлланиладиган чўлланишга қарши курашнинг асосий ёндашувлари келтирилган. Эрнинг чўлланиш муаммосини ҳал қилишнинг баъзи усуллари кўрсатилган.

Ушбу мақола ноқонуний миграция ва одам савдоси феноменларининг глобал ва миллий ўлчовлардаги муаммоларини таҳлил қилади. Фуқароларни ушбу хавфли жараёнлардан асрашнинг ҳуқуқий, ижтимоий ва ташкилий жиҳатлари кўриб чиқилади. Мақолада хусусан, миграциянинг сабаблари, одам савдоси қурбонларини ҳимоя қилиш механизмлари, давлат органларининг роли ва халқаро ҳамкорликнинг самарадорлиги муҳокама қилинади. Таҳлил натижасида фуқароларни асраш бўйича амалий тавсиялар берилади, шунингдек, О‘збекистондаги вазият ва реформалар мисол сифатида келтирилади. Мақола ҳуқуқшунослар, ижтимоий ишчилар ва давлат идоралари учун амалий аҳамиятга эга

XV асарда ташкил этилган илк акциядорлик жамиятида ҳам дивиденд масаласига устувор даражада эътибор қаратилган. Ўтган давр мобайнида халқаро амалиётда, хорижий компаниялар фаолиятида дивиденд сифати ҳам мунтазам такомиллашиб борди. XXI асрга келиб маълум бир компаниялар акциялари жаҳон бўйлаб муомаласи кузатилаётган, глобал IPO амалиётлари фаол ўтказиб келинаётган даврда эса дивидендлар билан боғлиқ муносабатларни ташкил этиш бир томондан мураккаблашган бўлса, иккинчи томондан иқтисодиётнинг рақамлашуви ва молиявий технологиялар ёрдамида янада такомиллашди, ривожланди. Сўнгги йилларда хорижий бренд компаниялар томонидан амалга оширилган дивиденд сиёсати ва дивиденд амалиётлари хусусида қуйида тўхталиб ўтамиз.

Қандли диабетнинг кам ўрганилган ва долзарб йўналишларидан бири ўсмир ёш қизлар репродуктив фаолияти билан боғлиқ бўлиб, қатор саволлар ханузгача ўз ечимини топмаган. Хозирги вақтда қандли диабет глобал муаммолардан бирига айланиб бормоқда. Бу холат кенг тарқалган бўлиб, қатор мамлакатларда ўсмир ёш қизларда репродуктив тизим патологияларини чақириб келмоқда.Ўсмирлик репродуктив тизимнинг ривожланиши учун жуда мухим даврдир ва бу касаллик гормонал мувозанат, овуляция, ва хайз циклини бошқарувчи жараёнларга таьсир қилувчи инсулин етишмовчилиги ва глукоза ўзгарувчанлиги билан боғлиқ муаммоларни келтириб чиқариши мумкин.