Ушбу мақола замонавий жамият шароитида фуқароларнинг шаъни, қадр-қиммати ва ишчанлик обрўсини ҳуқуқий ҳимоя қилишнинг муҳим жиҳатларини кўриб чиқади. Муаллифлар томонидан фуқароларнинг ушбу ҳуқуқ ва мажбуриятларига тааллуқли қонунчилик нормалари атрофлича таҳлил қилинган, шунингдек, шахслар ва ишбилармонлик обрўсини ҳимоя қилишнинг ҳуқуқий механизмларидан самарали фойдаланиш бўйича амалий тавсиялар берилган. Мақолада, шунингдек, онлайн алоқа соҳаси ва ижтимоий тармоқларнинг шахс ёки корхона ташқи кўринишига таъсири ҳақида сўз боради. Фуқаролар ҳуқуқларининг бузилиши ҳолатлари муҳокама қилиниб, бундай вазиятларда муваффақиятли қабул қилинган суд қарорлари мисоллари келтирилади. Ушбу мақола ўз шаъни, қадр-қиммати ва ишчанлик обрўсини сақлаб қолиш контекстида ҳуқуқий ҳимоя воситалари ҳақида маълумот излаётганлар учун қимматли кўрсатмалар беради.

Ушбу мақолада электрон тижоратда истеъмолчиларни ҳимоя қилиш ва етказилган зарар тушунчалари, зарарларни аниқлаш ва қоплаш тартиби, электрон тижоратда истеъмолчилар ҳуқуқларини ҳимоя қилишнинг моддий ва процессуал жиҳатлари, ҳуқуқлари ҳимоя қилинишида судларнинг иштироки, электрон тижоратда истеъмолчилар ҳуқуқларини ҳимоя қилишдаги айрим тўсиқлар ва камчиликлар таҳлил қилинади. Бундан ташқари, илмий-назарий асослар ва норматив ҳужжатлар таҳлили асосида миллий қонунчилигимиз такомиллаштиришга қаратилган тегишли илмий хулоса, таклиф ва тавсиялар ишлаб чиқилган.

Мазкур мақолада Ўзбекистон Республикасида адвокатура институтини ислоҳ қилиш ва уни замон талаблари даражасига олиб чиқиш бўйича долзарб муаммолар таҳлил қилинган. Муаллиф жамиятда “Инсон қадри учун” тамойилига асосланган ёндашувни илгари суриб, адвокатларнинг мустақиллиги, уларнинг процессуал тенглигини таъминлаш ва суд-ҳуқуқ соҳасидаги ислоҳотларга интеграциялашуви зарурлигини асослаб беради. Мақолада тергов судьяси институти, айблов ва ҳимоя тарафлари ўртасидаги тортишув тамойилининг амалиётда таъминланмаслиги, адвокатларнинг далиллар тўплашдаги чекловлари ва ижтимоий ҳимоясининг етишмаслиги танқидий ёндашув асосида кўрсатиб берилган. Хусусан, давлат томонидан бепул адвокат тайинлашда электрон тизимлар жорий этилган бўлса-да, шартнома асосида жалб этилган адвокатларнинг четлатилиши ҳимоя ҳуқуқининг бузилиши сифатида тан олинган. Муаллиф шунингдек, адвокатлик бюроларининг ташкил этилиши учун тажриба талаби, адвокатларнинг соғлиғи ва ҳаёти давлат ҳимоясида бўлиши каби муҳим норматив ўзгаришларни илгари суради. Мақола якунида жамиятдаги ўзгаришлар фонида адвокатуранинг ривожланиш концепциясини ишлаб чиқиш зарурлиги таъкидланади. Тавсия этилаётган таклифлар адвокатура фаолиятининг сифатли, эркин ва тизимли шаклланишига асос бўлиб хизмат қилади.

Ушбу мақола Америка Қўшма Штатларида (АҚШ) жиноят-ижроия қонунчилиги доирасида маҳкумлар ҳуқуқларини ҳимоя қилишнинг ўзига хос жиҳатларига бағишланган бўлиб, уларнинг ҳуқуқий асослари, амалий жараёнлари ва ислоҳотлардаги ўрни илмий-назарий таҳлил қилинади. АҚШ Конституциясининг Биринчи ва Саккизинчи ўзгартиришларига таяниб, маҳкумларнинг асосий ҳуқуқлари, жумладан сўз эркинлиги, қаттиқ жазолардан ҳимоя ва ҳуқуқий ёрдам олиш каби масалалар кўриб чиқилади. Мақолада АҚШдаги маҳкумлар ҳуқуқларининг ҳимояси, First Step Act каби ислоҳотлар орқали уларнинг жамиятга қайтиши ва қайта жиноят содир этишнинг олдини олишга қўшаётган ҳиссаси муҳокама қилинади. Хорижий тадқиқотчилар, жумладан профессор Жонатан Симон, Эмили Базелон ва Жеффри Фаган каби олимларнинг ишларига таяниб, маҳкумларнинг таълим, саломатлик ва ижтимоий хизматлардан фойдаланиш ҳуқуқларини кучайтиришнинг ижтимоий, иқтисодий ва психологик жиҳатлари таҳлил қилинади.

Мазкур мақолада шахснинг меҳнат ҳуқуқларини жиноят-ҳуқуқий ҳимоя қилиш масаласи халқаро ҳуқуқ нуқтаи назаридан чуқур таҳлил қилинади. Асосий эътибор БМТнинг универсал ва минтақавий ҳужжатларига қаратилган бўлиб, улар меҳнат ҳуқуқларини ҳимоя қилишга доир халқаро мажбуриятларни белгилайди. Жумладан, Инсон ҳуқуқлари умумжаҳон декларацияси, Иқтисодий, ижтимоий ва маданий ҳуқуқлар тўғрисидаги халқаро пакт, Фуқаролик ва сиёсий ҳуқуқлар тўғрисидаги халқаро пакт ва бошқа универсал ҳужжатларда меҳнат қилиш ҳуқуқининг халқаро ҳуқуқий кафолатларига урғу берилган. Бундан ташқари, БМТнинг Аёлларга нисбатан дискриминацияни тугатиш тўғрисидаги Конвенцияси, Бола ҳуқуқлари тўғрисидаги Конвенция ҳамда Халқаро Меҳнат Ташкилотининг (ХМТ) меҳнат муҳофазаси соҳасида қабул қилган ҳужжатларига эътибор қаратилган. Мақолада ушбу ҳужжатларнинг мазмуни, уларнинг давлатлар қонунчилигига татбиқ этилиши, шунингдек, шахснинг меҳнат ҳуқуқларини ҳимоя қилишда жиноят-ҳуқуқий механизмларнинг мустаҳкамланиши ва такомиллаштирилиши зарурлиги таъкидланади. Халқаро миқёсдаги стандартлар ва қонунчиликни самарали амалга ошириш бўйича давлатлар ўртасидаги ҳамкорликнинг аҳамияти ҳам ёритиб берилади.

Мазкур мақолада онлайн савдода иштирок этувчи истеъмолчиларнинг ҳуқуқ ва манфаатларини суд орқали ҳимоя қилишнинг ҳуқуқий асослари, электрон тижоратда истеъмолчилар ҳуқуқларини ҳимоя қилишга доир қонунчиликни такомиллаштириш масалалари таҳлил қилинади. Бундан ташқари, ривожланган хорижий давлатларнинг ушбу мавзуга доир тажрибаси ҳамда унинг миллий қонунчилигимизга жорий қилиш масалалари тадқиқ қилиниб, тегишли илмий хулоса, таклиф ва тавсиялар ишлаб чиқилган.

Ўзбекистонда аҳолини ижтимоий ҳимоя қилиш ижтимоий-иқтисодий ислоҳотлар тарихи, ҳуқуқий асослари ва ҳозирги ислоҳот жараёнлари баён қилинган. Маҳаллаларда ижтимоий хизмат давлат бошқаруви органлари, маҳаллий давлат ҳокимияти органлари, фуқароларнинг ўзини ўзи бошқариш органлари, нодавлат нотижорат ташкилотлари ва ижтимоий хизматлар кўрсатувчи тадбиркорлик субъектлари орқали амалга оширилиши тўғрисида маълумотлар берилган. Ўзбекистон Республикасида ижтимоий ҳимоя тизимини тартибга солувчи ягона давлат бошқарув-назорат механизмини яратиш тавсия этилган.

Ушбу мақола вояга етмаганларнинг ҳуқуқларини ишончли ҳимоя қилиш ва уларга нисбатан содир этиладиган жиноятларнинг профилактикаси масалаларига бағишланган. Ҳуқуқий ҳамда ижтимоий жиҳатдан вояга етмаганлар ҳуқуқларини таъминлашда халқаро стандартлар ва миллий қонунчиликнинг муҳим ўрни таъкидланади. Ўзбекистонда вояга етмаганларнинг ҳуқуқлари ва манфаатларини ҳимоя қилиш давлат сиёсатида устувор йўналиш ҳисобланади ва бу борада Президент Ш.М.Мирзиёевнинг фикрлари келтирилган. Мақолада вояга етмаганлар иштирокида содир этилган жиноятларнинг статистикаси ва уларнинг асосий сабаблари — оилавий муҳит, таълимдаги камчиликлар, интернет хавфлари ҳамда ижтимоий назоратнинг етишмаслиги таҳлил қилинган. Шунингдек, мақолада жиноятчилик профилактикасининг аҳамияти, мактабларда ҳуқуқий тарбиянинг ўрни, профилактика инспекторларининг фаолияти ва уларнинг малакасини ошириш заруратига алоҳида эътибор қаратилади. Вояга етмаганларга нисбатан жинсий зўравонлик ва бошқа жиноятлар юзасидан қонунчиликдаги бўшлиқлар ҳам кўриб чиқилган. Халқаро тажриба ва БМТ ҳамда ЮНИСЕФ маълумотлари асосида вояга етмаганларни ҳимоя қилишнинг комплекс ёндашуви, жумладан ҳуқуқий, психологик ва ижтимоий қўллаб-қувватлаш чоралари таклиф қилинган. Мақола, шунингдек, жиноятлар профилактикасини кучайтириш учун қонунчиликни такомиллаштириш ва ижтимоий ёндошувларни ривожлантиришни тавсия этади.

мазкур мақолада бола ҳуқуқларини ҳимоя қилишда прокуратура органларининг ташкилий-ҳуқуқий шакллари таҳлил этилган. Шунингдек, ривожланган хорижий мамлакатлар прокуратура органларининг  бола ҳуқуқларини ҳимоя қилишдаги фаолияти таҳлил этилган ҳамда уларнинг ижобий тажрибаларини мамлакатмиз прокуратура органлари фаолиятига жорий этиш юзасидан асосланган таклиф ва тавсиялар ишлаб чиқилган.

Мақола ҳозирги кунда айрим тоифадаги хотин қизлар ҳуқуқларининг етарлича таъминланмаётганлиги, уларга нисбатан турли кўринишдаги тазйиқ ва зўравонликлар содир этилиш ҳолатлари ҳамон давом этаётганлигини инобатга олган ҳолда, замонавий оламда оммалашиб бораётган ислом феминизми қанчалик фойда бераётганлиги тарғибот ташвиқот ишларининг жадаллашуви ҳамда хотин қизларга ҳуқуқий моддий ижтимоий маънавий руҳий ёрдам бериш ва уларни реабилитация қилиш даволаш ва бошқа ҳимоя чораларини механизмини кучайтириш улардан жиноят содир этиш ёки яшириш ёҳуд уларни турли кўринишларда эсплутуация қилинишининг олдини олишга қаратилган таклиф ва тавсиялар тизимини ўз ичига олган.

Мазкур мақолада ҳуқуқий, ижтимоий ҳимоя ҳақидаги тушунчалар ёритилган. Шу билан бирга, ички ишлар органлари ходимларнинг ҳуқуқий, ижтимоий ҳимояси таҳлил қилинган. Бундан ташқари, ички ишлар органлари ходимларининг ижтимоий ҳимояси тушунчасига таъриф берилган.

Мазкур мақолада Ўзбекистон Республикасида ёлғиз кексаларнинг ҳуқуқларини, хусусан, уларнинг уй-жойларини муҳофаза қилиш, уларни ижтимоий-ҳуқуқий қўллаб-қувватлаш масалалари ёритиб берилган.

Мазкур мақолада ахборот технологиялари соҳасида ички ишлар органларининг инсон ҳуқуқларини ҳимоя қилишда нодавлат ташкилотлари билан ҳамкорлик ўрнатишдаги муаммо ва унинг ечимлари  ёритилган.

Бугунги кунга келиб ғўзангинг турли касалликлари сингари гоммоз касаллиги ҳам бази йиллар жиддий зарар келтиради. Ушбу касалликга қарши курашда чигитларни ўз вақтида ундириб олиш мақсадга мувофиқдир, чунки ўз муддатида ундирилган кўчатлар касалликларга нисбатан чидамлироқ хисобланади. Тажрибада гумат натрий қўллаганимизда ўсимликни усиш ва
ривожларнишга ижобий таъсирини кўришимиз мумкун.

Мазкур мақолада коррупция фактлари ҳақида хабар берган шахсларни ҳимоя қилиш билан боғлиқ ўзига хос жиҳатлари таҳлил қилинган. Энг муҳими коррупцияга қарши курашишнинг самарали шакллари шунингдек, коррупцияга оид ҳуқуқбузарликлар тўғрисидаги ахборотни хабар қилувчи шахсларнинг ва уларнинг яқин қариндошларининг ҳуқуқлари ва қонуний манфаатларини ҳимоя қилиш масаласига урғу бериб ўтилган. Ушбу мақолада миллий ва хорижий қонунчилик билан бирга, олимларнинг фикрлари ҳам таҳлил қилинган.

Вояга етмаганларни жиноий тажовузлардан ҳимоя қилиш бўйича жиноий-ҳуқуқий сиёсат нафақат жиноятчиликка қарши курашиш механизмларини кучайтириш, балки профилактик чора-тадбирларни ташкил этишни ўз ичига олади. Ушбу мақолада вояга етмаганларга нисбатан ҳуқуқбузарликларнинг олдини олишга қаратилган халқаро тажрибалар ва Ўзбекистон қонунчилигидаги тенденциялар таҳлил қилинади.

Мақолада корпоратив шартнома тарафларининг ҳуқуқлари ва уларни ҳимоя қилиш усуллари ҳамда воситалари ҳаққида маълумот берилган, шунингдек корпоратив шартнома тарафларининг ҳуқуқларини химоя қилишни такомиллаштириш масалаларига тохталиб ўтилган.

Ушбу мақолада юртимизда бола ҳуқуқларини ҳимоя қилишга оид ҳуқуқшунос олимларимиз ҳамда хорижий ҳуқуқшунос олимлари фикр-мулоҳазалари илмий таҳлил қилиниб, муаллиф томонидан бола ҳуқуқларини ҳимоя қилиш тушунчаси ишлаб чиқилган.

Мустақиллик  йилларида Ўзбекистонда  ижтимоий ҳимоя давлат сиёсатининг бош йўналишларидан бирига  айлантирилди.  Ўзбекистонда 1993 йил 3 сентябрда “Фуқароларнинг давлат пенсия таъминоти тўғрисидаги” Қонунининг қабул қилиниши ижтимоий ҳимоя тизими ишини ривожлантиришда жуда муҳим аҳамиятга эга бўлди. Қонуннинг 1-моддасида “Ўзбекистон Республикаси Фуқаролари ушбу Қонунда назарда тутилган тартибда давлат томонидан пенсия билан таъминланиши ҳуқуқига эгадирлар” деб таъкидланади.

Мақолада аҳолининг ижтимоий ҳимоясини молиявий механизмлар орқали такомиллаштириш масаласи таҳлил қилинади. Давлатнинг ижтимоий ҳимоя сиёсати, бюджет маблағларининг тақсимланиши, субсидиялар, нафақалар ва ижтимоий ёрдам дастурларининг самарадорлиги ёритилади. Шунингдек, молиявий ресурслардан оқилона фойдаланиш, ижтимоий муҳофаза тизимини модернизатсия қилиш ҳамда халқаро тажриба асосида инноватсион механизмларни жорий этиш бўйича тавсиялар берилади. Ўзбекистон шароитида аҳолининг ижтимоий ҳимоясини кучайтириш стратегиялари ҳамда барқарор ривожланиш тамойиллари таҳлил қилинади.

Ушбу мақолада тазйиқ ва зўравонликка учраган аёлларни ҳуқуқий мақоми, уларнинг ижтимоий-ҳуқуқий ҳимояси, профилактика инспекторларининг тазйиқ ва зўравонликдан жабрланган хотин-қизларга ҳимоя ордерини бериш фаолиятининг ҳуқуқий асослари, ҳуқуқбузарлик ишларини юритиш ҳамда ушбу турдаги ҳуқуқбузарликлар учун қўлланиладиган маъмурий жавобгарлик масалари ёритилган.

Ушбу мақолада миграция соҳасида коррупцияни олдини олишнинг долзарб масалалари таҳлил қилинади. Миграция жараёнлари ва унга таъсир кўрсатувчи коррупция омиллари, шунингдек, коррупцияга қарши курашишда давлат ва жамиятнинг кенг кўламли ислоҳотлари муҳокама этилади. Мақолада, айниқса, хусусий бандлик агентликлари фаолияти ва улар билан боғлиқ муаммоларга алоҳида эътибор қаратилган.

Мақолада инсон ҳуқуқларини ҳимоя қилиш бўйича юртимизда олиб борилаётган сай-ҳаракатлар, олиб борилаётган ишлар ва инсон ҳуқуқлари бўйича маҳаллий ҳамда халқаро механизмлар тўғрисида сўз юритилади.

Жаҳонда аҳолини ижтимоий ҳимоя қилишнинг кенг қамровли тизимини яратиш, жумладан, бозор иқтисодиёти ривожланиши натижасида жамиятда вужудга келаётган салбий ижтимоий муаммоларни ҳал этиш, уларнинг таъсир доирасини камайтириш, жамиятда ижтимоий адолат тамойилларини таъминлаш асосида барқарор ижтимоий-иқтисодий ривожланишга эришиш муҳим вазифа ҳисобланади.

Ушбу мақолада оилани давлат томонидан муҳофаза қилинишига оид конституцияда белгиланган кафолатлар, 2017-2022 йилларда амалга оширилган ижтимоий ислоҳотлар, оилаларни ижтимоий ҳимоя қилиш, оила  институтини янада ривожлантириш, оилаларни янада қўллаб-қувватлаш учун ижтимоий хизматлар кўламининг кенгайгани, оилаларга нафақаларни тайинлаш соҳасида қатор имтиёзлар жорий қилинганлиги масалалари ёритиб берилган.