Maqolada bolalarda ichaklar ta`sirlanish sindromining tarqalishi, diagnostik mezonlari  to`g`risida yangi ma`lumotlar kiritilgan. Tadqiqotimizning asosiy maqsadi bolalar orasida keng tarqalgan ichaklar ta`sirlanish sindromini (ITS) tahlil qilish va (ITS) ning rivojlanishi uchun ularning xavf omillarini baholashdan iborat edi. 2023-2024 yillar davomida viloyat ko`p tarmoqli bolalar tibbiyot markazining gastroenterologiya bo`limida yotib davolanib chiqqan bolalarda  ITS ning turlari va uni tasdiqlovchi simptomlar Rim IV mezonlariga asoslanib tahlil qilindi. Shunga ko`ra VKTTM ning qabul bo`limiga qorin og`rig`i bilan tashrif buyurgan 4 yoshdan 16 yoshgacha bo`lgan 228 ta bolalarni gastroenterolog ko`rigi va maxsus tekshiruvlar olib borganimizdan so`ng, ularning 102 tasida ichaklar ta`sirlanish sindromi aniqlandi. Rim IV mezonlariga ko`ra so`raglan bolalarning ko`pchiligida ITS-Q (qabziyat) ustunligi turi keng tarqalganligi aniqlandi, uning eng yuqori ko`rsatkichi kuz-qish mavsumiga to`g`ri keldi.

Enterosorbent ta'sirga ega dorilar gastroenterologiya, toksikologiya, yuqumli kasalliklar, allergologiya, dermatologiya, jarrohlik, onkologiya, gepatologiya, nefrologiya va narkologiya kabi tibbiyotning turli sohalarida keng qo‘llaniladi. Maqolada adsorbsion dorilarning zamonaviy nomenklaturasini mahalliy xom ashyolar hisobiga kengaytirish maqsadida O‘zbekistonda ruyxatdan o‘tgan va farmatsevtika  bozorida mavjud preparatlarning tahliliy sharhini o‘tkazish natijalari keltirilgan. Olingan ma'lumotlar asosida istiqbolli mahalliy sorbtsion xususiyatga ega glaukonit tabiiy minerali hisobiga enterosorbsion ta'sirga ega preparatlar nomenklaturasini kengaytirish masalalari o‘rganilgan.

Maqolada oshqozon-ichak trakti patologiyasi bo'lgan 2 oylikdan 16 yoshgacha bo'lgan 89 nafar bolaning kasalliklari retrospektiv o'rganish natijalari keltirilgan.  Bemorlarda funktsional dispepsiya, funktsional qabziyat va oqsil-energiya yetishmovchiligi kabi buzilishlarning rivojlanishining prognozlari aniqlangan. Funktsional oshqozon-ichak traktining rivojlanishi bilan prenatal va postnatal patologiya o'rtasidagi munosabatlar, yoshga bog`liq buzulishlar va  ularning patofiziologik mexanizmlari qayd etilgan.