Agiografik yo‘nalishda yaratilgan sharq adabiyoti namunalari o‘zining g‘oyaviy- badiiy xususiyati bilan alohida mavqega ega hamda adabiy asar sifatida Payg‘ambarlar, avliyolar tarixi va ularning go‘zal fazilatlarini axloqiy jihatdan yoritgani uchun ham qimmatli. Xususan, “Qisasi Rabg‘uziy” turkiy tilning noyob durdonasi bo‘lib, asarda keltirilgan adabiy janrlar dalillash, boyitish, izohlash va badiiylikni oshirish kabi vazifalarni bajargan.
