Mazkur maqola oʻzining butun ijodiy faoliyatini tarixiy asarlar yozishga bagʻishlagan, asarlari bilan xalq tarixining olis qaʼridagi xalq qahramonlari taqdirini badiiy jihatdan tadqiq qilib, millat tamadduniga beqiyos hissa qoʻshgan adib Mirkarim Osim ijodining bolalar maʼnaviy hayotida tutgan oʻrniga bagʻishlanadi. Maqolada adibning ikki hikoyasi va oʻnga yaqin qissasi tahlilga tortildi. Bu qissalarda qalamga olingan voqeliklar, tarixiy obrazlarning bolalar va oʻsmirlar adabiyoti ravnaqiga qoʻshilgan hissasi tahlil va talqinlar asosida koʻrsatib berildi. Tarixiy mavzularni zamonga xizmat qildirgan Mirkarim Osimning ijodida oʻtmish mavzusini yoritish, tarix qatidagi xalq qahramonlari, ilm-fan fidoyilarinining jasoratli hayotini tasvirlash orqali moziydan saboq berish ijodining oʻzak masalasiga aylangani taʼkidlandi. U romandagidek romanik tafakkur va voqeani keng koʻlamda aks ettirishni emas, qissa doirasida bir qahramon taqdiri orqali oʻtmishni jonlantirishni muhim deb bilgan ijodkor. Bu maqsadni amalga oshirishda qissa janri tarixiy faktlarni buzmasdan ifodalash imkoniyatini berar edi. Ayni vaqtda adib ijodi bilan qissa janrining cheksiz imkoniyatlari ochildi, uning xilma-xil koʻrinishlari paydo boʻldi
