Bul maqalada qaharman obrazın jasawda qollanılatuǵın kórkem súwretlew usıllarınıń biri – dialogtıń qollanılıw sheberligi jazıwshılar N.Jańabaeva hám A.Turekeeva shıǵarmaları mısalında úyrenildi. Bunda N.Jańabaevanıń 1985-jılı “Ámiwdárya” jurnalında jarıq kórgen “Keleshegiń aldında” povesti hám A.Turekeevanıń “Áke hám qız” gúrriń hám povestler toplamındaǵı ayırım gúrriń hám povestlerine tallaw jasaldı. Gúrrińlerdegi dialogtıń qaharman obrazın jaratıwdaǵı eń tiykarǵı usıllardıń biri ekenligi anıqlandı.