Ushbu maqolada post-travmatik stress buzilishi (PTSB) tushunchasi, uning asosiy belgilari, shakllanish sabablari va ruhiy salomatlikka ta’siri o‘rganiladi. PTSB urush, zo‘ravonlik, falokat va ekstremal holatlardan so‘ng yuzaga keladigan psixologik buzilishdir. Maqolada ushbu buzilishning zamonaviy psixoterapevtik davolash usullari: kognitiv-behavioral terapiya, EMDR, ekspozitsion terapiya, mindfulness va farmakoterapiya metodlari tahlil qilinadi. Shuningdek, buzilishning oldini olish bo‘yicha profilaktika choralariga ham e’tibor qaratiladi.

Ushbu maqolada maktabgacha yoshdagi bolalar psixologik rivojlanishida rasm chizish orqali art terapiya metodlarining o‘rni va ahamiyati yoritilgan. Ilmiy tadqiqotlar shuni ko‘rsatadiki, ijodiy faoliyat, ayniqsa tasviriy san’at mashg‘ulotlari, bolalarning emotsional holatini barqarorlashtirish, stress va xavotirni kamaytirish hamda shaxslararo munosabatlarini yaxshilashda samarali vosita hisoblanadi. Rasm chizish jarayonida bola o‘z his-tuyg‘ularini ranglar va shakllar orqali ifodalaydi, bu esa ularning ichki dunyosini ochib berish bilan birga ijobiy psixologik muhitni shakllantiradi. Maqolada erkin rasm chizish, mavzuli rasm ishlash, rang terapiyasi, guruhiy ijodiy mashg‘ulotlar va fantaziya asosida chizish kabi metodlar ilmiy asoslangan holda tahlil qilinadi. Shuningdek, art terapiya vositalaridan foydalanishning pedagogik va psixologik natijalari, ularni maktabgacha ta’lim muassasalarida qo‘llashning samaradorligi haqida xulosalar berilgan

Ushbu maqola stressni boshqarishning turli usullarini o'rganadi va ular orqali stressning salbiy ta'sirini kamaytirish yo'llarini ko'rsatadi. Stress – zamonaviy hayotda keng tarqalgan va insonlar ruhiy va jismoniy salomatligiga ta'sir qiluvchi omildir. Maqolada jismoniy mashqlar, nafas olish texnikalari, meditatsiya, ijtimoiy qo'llab-quvvatlash va vaqtni boshqarish kabi stressni kamaytirishning samarali metodlari yoritiladi. Shuningdek, psixologik yondashuvlar, masalan, kognitiv-behavioral terapiya (CBT), stressni boshqarishda qanday yordam berishi haqida ham ma'lumotlar berilgan. Maqola stressni boshqarishning muhimligini tushuntirib, sog'lom hayot tarzini yaratishda ushbu usullarni qanday qo'llashni ko'rsatadi.

Ushbu maqolada psoriaz kasalligining kelib chiqishi va davolash usullari haqida so‘z yuritiladi. Maqolada, shuningdek, psoriazning davolash usullari ham ko‘rib chiqiladi. Bugungi kunda psoriazni davolashda turli usullar qo‘llaniladi: topikal davolash, fototerapiya, sistematik davolash va biologik terapiyalar. Har bir usulning samaradorligi bemorning kasallikning og‘irligiga, individual xususiyatlariga va bemorning umumiy holatiga qarab farq qiladi. Kasallikni samarali boshqarish uchun individual yondashuv va kompleks davolash zarur. Bu maqolada psoriaz kasalligi haqida umumiy ma’lumotlar va davolash usullari tahlil qilinadi. Psoriaz - surunkali va yallig‘lanishli teri kasalligi bo‘lib, asosan teri hujayralarining tezroq yangilanishi bilan namoyon bo‘ladi. Uning kelib chiqish sabablari hali to‘liq aniqlanmagan bo‘lsa-da, genetik, immunologik va atrof-muhit omillari uning rivojlanishida muhim rol o‘ynaydi. Psoriazning davolash usullari zamonaviy tibbiyotda turli xil terapiya va dori-darmonlar orqali amalga oshiriladi, shuningdek, bemorning turmush tarzini o‘zgartirish ham muhim ahamiyatga ega.

Ushbu maqolada ekstremal vaziyatlarda (urush, tabiiy ofatlar, pandemiyalar va boshqa favqulodda holatlar) inson psixikasining barqarorligi masalasi o‘rganiladi. Bugungi kunda dunyo miqyosida stress omillarining ortib borayotgani sharoitida psixologik chidamlilik va moslashuvchanlik muhim ahamiyat kasb etmoqda. Maqolada psixik barqarorlik tushunchasi, unga ta’sir etuvchi omillar va zamonaviy psixologik yondashuvlar (kognitiv-behavioral terapiya, mindfulness, resilensiya modeli) ilmiy asosda tahlil qilinadi. Bundan tashqari, amaliy misollar orqali ekstremal vaziyatlarda ruhiy holatni boshqarish usullari ochib beriladi.

Mazkur maqolada bolalarda stressni kamaytirishda art terapiyaning ahamiyati tahlil qilingan. Bolalarda stressning kelib chiqish sabablari oilaviy, ta’limiy va ijtimoiy omillar bilan bog‘liq ekanligi ko‘rsatib o‘tilgan. Art terapiya usullari – rasm chizish, loydan buyum yasash, qo‘g‘irchoq terapiyasi va ranglar bilan ishlash orqali bolalarning ichki dunyosini ifodalash, salbiy emotsiyalarni chiqarish va ruhiy barqarorlikni ta’minlashdagi roli yoritilgan. Tadqiqot natijalariga ko‘ra, art terapiya bolalarda stressni kamaytirishning samarali usullaridan biri bo‘lib, ularning o‘ziga bo‘lgan ishonchini oshirish, ijtimoiy muhitga moslashuvini yengillashtirish hamda psixologik salomatligini mustahkamlashda muhim ahamiyat kasb etadi..

Mazkur maqolada emotsional zo‘riqish (stress) tushunchasi va uni kamaytirish yo‘llari tahlil qilinadi. Emotsional zo‘riqish inson salomatligiga, ruhiy holatiga va kundalik faoliyatiga salbiy ta’sir ko‘rsatadi. Shu sababli, uni oldini olish va yengillashtirish bo‘yicha samarali yondashuvlarni o‘rganish bugungi kunda muhim hisoblanadi. Maqolada kognitiv-behavioral terapiya, mindfulness, psixologik moslashuv (rezilyentlik), ijtimoiy qo‘llab-quvvatlash va jismoniy faollik kabi yondashuvlar ilmiy manbalar asosida bayon qilinadi. Har bir yondashuvning afzalliklari va amaliy qo‘llanilish imkoniyatlari muhokama qilinadi.

Mazkur tezisda OITS bilan kasallangan ayollarda homiladorlikning klinik xususiyatlari yoritilgan. Unda immun tizimining susayishi, homiladorlik davrida opportunistik infeksiyalarning kuchayishi, tug‘ruq va homilaga yuqish xavfi tahlil qilingan. Shuningdek, antiretrovirus terapiya qo‘llash va tug‘ruqni to‘g‘ri tashkil etishning ahamiyati ko‘rsatib o‘tilgan.

Hozirgi davrda yuksak qobiliyatli mutaxassislarni tayyorlashga nisbatan talab kun sayin ortib bormoqda. Maqolada turli yosh chegarasidagi o’quvchilarning aqliy faoliyati va san’atga bo’lghan qiziqishlarini rivojlantirish va ijodiy intelekini art terapiya orqali rivojlantirish masalasida so’z yuritilgan

Mazkur tezisda vitiligo davosida psixologik yondashuvning ro`li mavzusida gam yuritiladi. Vitiligo - bu pigmentatsiya buzilishi bo'lib, u insonning psixologik holatiga jiddiy ta'sir ko'rsatadi. Ushbu kasallik nafaqat jismoniy balki ruhiy tushkunlik, o'ziga bo'lgan ishonchning pasayishi va ijtimoiy izolyatsiyaga sabab bo'lishi mumkin. Tadqiqotlar shuni ko'rsatadiki, vitiligoni davolashda psixologik yondashuv muhim rol o'ynaydi. Ushbu maqolada vitiligo bilan kasallangan shaxslarning psixologik holatini yaxshilash usullari, stress va depressiya bilan kurashish metodlari, shuningdek, ijtimoiy qo‘llab-quvvatlashning ahamiyati ilmiy asosda tahlil qilinadi. Tadqiqot davomida kognitiv-bihevioral terapiya, stressni boshqarish texnikalari va psixo-ta'lim metodlari vitiligo kasalligini yengishda samarali bo‘lishi mumkinligi ko‘rsatib o‘tiladi. Shuningdek, bemorlarning o‘ziga bo‘lgan ishonchini oshirish va jamiyatdagi stigmatizatsiyani kamaytirish muhim omil ekanligi asoslab beriladi.

Ushbu maqolada inqirozli oilalarga psixologik ko‘mak berishning samarali yo‘llari yoritilgan. Oilaviy inqiroz sabablari, psixologik belgilar va ularni bartaraf etish strategiyalari haqida aniq ma'lumotlar beriladi. Muallif psixologik suhbat, oilaviy terapiya, stressni boshqarish va resurslarni aniqlash texnikalariga e'tibor qaratadi. Maqola real hayotiy misollar asosida inqirozli vaziyatlarda qanday yondashuvlar natija berishini ko‘rsatib beradi va amaliy tavsiyalar bilan boyitilgan. Material psixologlar, ijtimoiy ishchilar hamda oilaviy muammolarni chuqurroq tushunishni istaganlar uchun mo‘ljallangan.

Pnevmokoniozning bir turi hisoblangan silikozning etiologik omili kremniy dioksididir. Oʻpka silikozining rivojlanishi oʻziga xos jarayon boʻlib, unda alveolyar makrofaglar tomonidan kremniy dioksidi zarralarini yutish va ularning chiqarilishi yalligʻlanishni, tugunli shikastlanishlar va qaytarilmas fibrozni keltirib chiqaradi. Silikozning patofiziologiyasi murakkab boʻlib, patogen mexanizmlar oʻrtasidagi oʻzaro ta’sir toʻliq oʻrganilmagan.  Ushbu maqola silikozning patofiziologiyasi boʻyicha yangi ma’lumotlarni koʻrib chiqadi.

Nutqiy aloqa jarayonida kishilar fikr almashadilar va bir - birlariga ta’sir koʻratadilar. Nutqiy aloqa til orqali amalga oshiriladi, til bu fonetik, leksik va grammatik vositalar tizimidir. Ushbu maqolada nutqi to’liq rivojlanmagan bolalar nuqsonining klinik ko’rinishlari, nuqson turiga qarab korreksion ish jarayonini tashkil etish yoritilgan. 

Nevrotik xarakterdagi duduqlanish, ya’ni logonevroz, bolalarda uchraydigan eng murakkab nutq buzilishlaridan biridir. Chunki u fiziologik va psixologik omillar bilan chambarchas bog‘liqdir. Ushbu maqolada logonevrozga chalingan bolalarda nutq terapiyasining samarali metodlari tahlil qilinadi hamda logopedik korreksiya usullari, psixoterapevtik qo‘llab-quvvatlash va oilaning faol ishtirokini o‘z ichiga olgan kompleks yondashuv yoritiladi. Logonevrozning kelib chiqish sabablari — genetik moyillik, perinatal miya shikastlanishlari va psixosotsial stress omillari — o‘rganilib, erta aniqlash va aralashuv bo‘yicha amaliy tavsiyalar beriladi. Nafas mashqlari, ritmik nutqni o‘rgatish hamda kognitiv-xulqiy terapiya kabi asosiy metodlar nutq ravonligini yaxshilash va nevrotik simptomlarni kamaytirishda muhim ahamiyatga ega ekani ta’kidlanadi. Maqola xulosasida logoped, psixolog, nevrolog va ota-onalarning hamkorlikdagi faoliyati terapiya samaradorligini sezilarli darajada oshirishi va bolalarning jamiyatga muvaffaqiyatli moslashishiga yordam berishi isbotlanadi.

Ushbu maqolada bakterial tabiatli ichak infeksiyalarining eng muhim qo‘zg‘atuvchilari hisoblangan enterobakteriyalar haqida batafsil ma’lumot beriladi. Enterobakteriyalar oilasiga mansub mikroorganizmlarning umumiy morfologik, fiziologik va antigenik xususiyatlari, ularning patogenligi, infeksion jarayonlarni keltirib chiqarish mexanizmlari va tarqalish yo‘llari yoritilgan. Shuningdek, ichak infeksiyalarining klinik kechishi, tashxislash usullari, laborator tahlil asoslari, profilaktika choralariga ham alohida e’tibor qaratilgan. Maqolada salmonella, shigella, escherichia coli kabi asosiy vakillarning biologik va epidemiologik xususiyatlari, shuningdek, zamonaviy antibakterial terapiya yondashuvlari tahlil qilinadi.

Arterial gipertenziyani (AG) davolashda shifokor nafaqat qon bosimini  pasaytirish, balki organlarni himoya qilishni ham ta'minlash vazifasini bajaradi, chunki organlarning shikastlanishi (chap qorincha gipertrofiyasi, mikroalbuminuriya) yurak-qon tomir asoratlari xavfini sezilarli darajada oshiradi. Gipertenziyada  nishon organlarining zararlanishi, hatto kasallikning erta bosqichlarida ham juda keng tarqalgan. Ko‘plab klinik tadqiqotlar shuni ko‘rsatdiki, monoterapiya faqat cheklangan miqdordagi gipertoniya bilan og‘rigan bemorlarda qon bosimini samarali ravishda pasaytiradi, aksariyat hollarda qon bosimini nazorat qilish uchun kamida ikkita dori kombinatsiyasini qo‘llashni talab qiladi. Ushbu maqola antigipertenziv terapiya uchun optimal kombinatsiyani tanlashga bag‘ishlangan.

Ushbu maqola zamonaviy yoshlar orasida kuzatilayotgan “Maugli sindromi”ning psixologik-psixiatrik tabiatini klinik nuqtayi nazardan tahlil qilishga bag‘ishlangan. Internetga haddan tashqari qaramlik, ijtimoiy izolyatsiya va oilaviy-emotsional beqarorlik natijasida shakllanayotgan mazkur sindrom, shaxsning identiteti, ijtimoiy rol va axloqiy qadriyatlarni qabul qilishida jiddiy buzilishlarga olib kelmoqda. Maqolada ushbu sindromning klinik simptomatikasi, diagnostika mezonlari, psixodinamik va nevropsixologik yondashuvlar asosida tavsifi beriladi. Shuningdek, yoshlar psixologiyasida bu holatga nisbatan qo‘llanilayotgan zamonaviy psixokorrektsion metodlar – kognitiv-xulqiy terapiya, art-terapiya va interaktiv guruh mashg‘ulotlari samaradorligi tajriba asosida baholanadi. Muallif, yoshlar ongida ijtimoiy moslashuv va axloqiy qadriyatlarni qayta shakllantirish orqali Maugli sindromini yumshatish, shaxsiy identitetni mustahkamlash va psixologik reabilitatsiya yo‘llarini asoslashga harakat qiladi. Mazkur tadqiqot psixologiya va ta’lim sohasi mutaxassislari, ijtimoiy ishchilar hamda ota-onalar uchun amaliy va nazariy ahamiyatga ega.

Tibbiy terapiya, kasalliklarni davolashda va kasalliklarning simptomlarini yengilashda muhim ahamiyatga ega bo'lgan jarayondir. Bu maqolada, tibbiy terapiyada qo'llaniladigan eng so'nggi vaqtincha aparatlar haqida suhbat qilamiz.

Nospetsifik aortoarteriit (NAA) yoki Takayasu kasalligi – aorta, uning shoxlari og‘izlarining obliteratsiyasi va katta-katta muskulli tipdagi arteriyalar devorlarida yuzaga keladigan nospetsifik mahsuldor yallig‘lanish bilan tavsiflangan kasallikdir. Bu patologiya, shu jumladan, sahifada juda kam uchraydi, bu esa uning dolzarb ekanligini belgilaydi.

Ushbu maqolada Tizimli qizil yugurik kasalligi bilan og`rib kelgan bemorlarda glyukokortikosteroidlar qo`llanilgandan keyingi gomeostatik o`zgarishlarni o`rganish bo’yicha olib borilgan ilmiy ishlar natijalari, tavsiya etiladigan metodlar, yo`nalishlar muhokama etiladi.

Antibakterial terapiyaning xavfsizligi va samaradorligini ta’minlash zamonaviy klinik amaliyotning asosiy talablaridan biri hisoblanadi. VEN tahlili (Vital, Essential, Non-essential) antibakterial vositalarning klinik ahamiyatini baholash orqali, ularni maqsadli tanlash, xavfsizlikni ta’minlash va nojo‘ya ta’sirlarni kamaytirishda muhim vosita sifatida foydalaniladi. Ushbu maqolada VEN tahlilining nazariy asoslari, amaliyotdagi qo‘llanilishi va antibakterial terapiya xavfsizligidagi roli yoritiladi.

mazkur maqolada insonning o‘tmish va hozirgi hayotiy tajribalarining psixologik baholanishi, ularning shaxsiy rivojlanish va ruhiy holatga ta’siri ko‘rib chiqilgan. Har bir shaxsning xatti-harakati va qarorlariga uning ilgari boshidan kechirgan voqealari chuqur ta’sir ko‘rsatadi. Maqolada psixologiyaning turli yo‘nalishlari – psixoanalitik, kognitiv, gumanistik va bihevioristik yondashuvlar orqali individual tajribaning qanday talqin qilinishi tahlil qilingan. Bundan tashqari, zamonaviy psixoterapevtik amaliyotda o‘tmish tajribalar bilan ishlashning samarali usullari – kognitiv-behavioral terapiya, travma markazli yondashuv va narrativ terapiya haqida ham ma’lumotlar keltirilgan. Maqola shaxsiy o‘sish, o‘zini anglash va ruhiy muvozanatga erishishda o‘tmish tajribasining ahamiyatini ochib beradi.

OITS (Orttirilgan immunitet tanqisligi sindromi) hali ham global salomatlik uchun jiddiy tahdiddir. Ushbu maqolada OITSning epidemiologiyasi, asosiy muammolari va unga qarshi kurashishda tibbiyot fanida yuz berayotgan innovatsion yondashuvlar tahlil qilinadi. Ayniqsa diagnostika, dori vositalarini ilg‘or shakllari, gen-terapiya, immun modulyatsiyasi va raqamli salomatlik yechimlari ko‘rib chiqiladi. Tadqiqot metodologiyasi sifatida adabiyot tahlili, holat tahlili va komparativ tahlil usullari qo‘llanildi. Natijalarda innovatsion yechimlar OITSga chalingan bemorlar uchun davolash samaradorligini oshirish, virus yukini kamaytirish va nojo‘ya ta’sirlarni minimallashtirish bo‘yicha istiqbollar ko‘rsatildi. Xulosa qilib aytganda, OITSga qarshi kurashda tibbiyot fanidagi yangicha texnologiyalar va multidisipliner yondashuvlar muhim rol o‘ynaydi va yaqinda ular klinik amaliyotda keng qo‘llanishi mumkin.

Surunkali buyrak yetishmovchiligi-hamma progresiyalanuvchi buyrak kasalliklarida rivojlanuvchi simptomokompleks bo’lib, asosida nefronlarning bosqichma-bosqich halok bulishi etadi, bu esa buyrakning ekskretor funksiyasining va inkretor funksiyasining, modda almashinuvining, organ va sistemalarning funksiyasining, nordon - ishqoriy  muvozanatning buzilishiga olib keladi.

Миастения представляет собой хроническое аутоиммунное заболевание, в основе которого лежит нарушение передачи нервного импульса к поперечно-полосатым мышцам. Это состояние, как правило, сопровождается выраженной мышечной утомляемостью и слабостью, особенно при физической нагрузке. Несмотря на наличие обоснованных медикаментозных подходов к лечению, включая иммуносупрессивную терапию и симптоматические препараты, сохраняется потребность в дополнительных немедикаментозных методах, способных повысить эффективность реабилитационных мероприятий и улучшить качество жизни пациентов. В связи с этим всё большую научную и клиническую заинтересованность вызывает фотобиомодуляция (ФБМ).