BOSHLANG‘ICH SINFLARDA IKKINCHI TILDA TA’LIM OLUVCHILARDA ONA TILINI O‘ZLASHTIRISH MUAMMOLARI VA YECHIMLARI

Аннотация:

Mazkur maqolada boshlang‘ich sinflarda ikkinchi tilda (rus, qozoq va boshqa tillarda) ta’lim olayotgan o‘quvchilarning ona tilini o‘zlashtirish jarayonida uchraydigan muammolar va ularni bartaraf etish yo‘llari atroflicha yoritilgan.  Maqolada bu muammolarni bartaraf etishda integratsiyalashgan yondashuv, interaktiv metodlar, zamonaviy pedagogik texnologiyalar va multimedia vositalarining o‘rni alohida ta’kidlanadi. Maqola davomida o‘quvchilarda ikki tillilik muhitida ona tilining rivojlanishi nafaqat lingvistik, balki psixologik va madaniy jarayon sifatida ham ko‘rib chiqiladi. Muammoni hal qilishda tizimli yondashuvning ahamiyati alohida urg‘ulanib, o‘quvchilarni barkamol shaxs sifatida tarbiyalashda ona tilining mustahkamlanishi muhim omil ekanligi qayd etiladi. Shu tariqa, maqolada ona tilini ikkinchi tilda ta’lim olayotgan bolalarga samarali o‘rgatish bo‘yicha ilmiy asoslangan tavsiyalar, amaliy metodlar va milliy madaniy merosni o‘quv jarayoniga tatbiq etishning dolzarbligi ko‘rsatib berilgan. Tadqiqot natijalari pedagog va ota-onalar uchun amaliy qo‘llanma bo‘lib xizmat qilishi, shuningdek, ikki tilli ta’lim tizimini yanada rivojlantirishga nazariy asos bo‘lishi mumkin